New Delhi, Risaw 28: Ka tnat kam Pla Tyngka ka la pyllait haduh T.44,000 klur mynta ka sngi sha ka Jylla bad ki UT kiba don ia ki ain hapoh ka jingai ram back-to-back ha ka jaka jong ka jingsiewkylliang ia ka GST.
Hadien ba la peit ia ka jingpyllait pisa kaba T. 1,15,000 klur kaba dang shen (T 75,000 klur ba la pyllait ha ka 15 tarik u Naitung, 2021 bad ka T 40,000 klur ba la pyllait ha ka 7 tarik u Risaw, 2021), ka pisa baroh ba la pyllait ha une u snem mang tyngka kum ka jingai ram back-to-back ha ka jaka jong ka jingsiewkylliang ia ka GST ka la kot sha ka T 1,59,000 klur.
Kane ka jingpyllaitpisa ka lait na ka jingsiew GST kaba man ka por ba pyllait man ka 2 bnai na ka jinglumkhajna.
Hadien ka jingialang kaba 43 jong ka GST Council ha ka 28.05.2021, la rai ba ka Sorkar Pdeng kan shim ram haduh T. 1.59 lak klur bad pyllait ia kane sha ki jylla bad ki UT kiba don ki ain ha ka rukom jong ka ram back-to-back ban pyndap ia ka jingduna ha ki jingdon jingem namar ka jingduna ha ka jingpyllait ia ka bynta jong ki namar ka jingduna ha ka Compensation Fund.
Kane ka pisa ka long katkum ki rukom treikam ba la pdiang na ka bynta ki kam ba iasyriem ha u snem mang tyngka 2020-21, ha kaba la pyllait haduh T 1.10 lak klur sha ki jylla ha kane ka juh ka rukom treikam.
Kane ka pisa kaba kot sha ka T. 1.59 lak klur ka lait na ka jingisew kaba palat T 1 lak klur (ba buh nongrim ha ka jinglumkhajna) ia kaba la antad ban pyllait sha ki Jylla bad ki UT kiba don ain ha une u snem mang tyngka. La antad ba baroh ka T 2.59 lak klur kan tam ia ka jingsiew GST kaba mih na u snem mang tyngka 2021-22.
Baroh ki Jylla bad ki UT (kiba don ain) ki la mynjur ia kane ka jingpynbeit na ka bynta ka jingpynbiang pisa na ka bynta ka jingduna ha ka jingsiew hapoh ka rukom ai ram back-to-back.
Na ka bynta ka jingryntih ki kam ba iadei bad ka khlam COVID-19 bad ban kyntiew ia ka jingtyllun ka pisa, baroh ki Jylla bad ki UT ki don ka bynta kaba khraw. Ban iarap ia ki Jylla bad ki UT ha kane ka kam, ka tnat kam pla tyngka ka la pynkhreh ia ka jingpyllait ia ki jingiarap hapoh ka rukom ai ram back-to-back ha une u snem mang tyngka 2021-22 kaba kot sha ka T.1,59,000 klur.
Ia ka jingpyllait ia ka T. 44,000 klur mynta la bei na ki jingshim ram ka Sorkar Pdeng ha ki security ba 5 snem ha une u snem mang tyngka, ha kaba ka Weighted Average Yield ka long 5.69%. Ym don ka jingthmu ban shim ram shuh shuh ka Sorkar Pdeng na ka bynta ka jingpyllait pisa.
La antad ba kane ka jingpyllait pisa kan iarap ia ki Jylla bad ki UT ba kin pynkhreh ia ka rukom pynlut pisa jong ki bad kiwei kiweiki kam, ka jingkyntiew ia ki lad ai jingsumar nongpang bad ban pynbiang ia ki projek ban pynbiang ia ki jingdon jingem.
