Shillong, Kyllalyngkot 20: ka jingpynkhuid ia ki jingtah dur jong ki seng sain pyrthei ha kane ka nongbah Shillong kala sdang mynta ka sngi da ki briew jong ka MCC kiba dei peit ia ka jingpyniaid iaka elelction sha ka iing dorbar thawain ka jylla.
Mynta ka sngi la iohi ba bun na ki briew jong ka MCC kila pynkhuid ia ki jingwah dur jong ki seng sain pyrthei khamtam hapoh shiynter jong ka surok bah Shillong Guwahati ha ki bynta jong ka Mawlai.
Ki briew jong ka MCC kila shem jingeh bha ban pynkhuid ia ki poster kiba la tah da ka party TMC bad BJP namar ki dambit sbak ha ki kynroh kim dei kum ki poster ba shutah da ki kot, na ka liang jong ka nogntrei kiba dei peit ia ka elekshon kila trei shitom ban pynkhuid ban khlong.
La iohi ban bun ki briew jong ka tnad elekshon kila pynhap ia ki dur jong ki seng sain pyrthei kiba dei jongka BJP, TMC bad jong ka NPP kiba la wah ha ki jaka bapher bapher jong kane ka nongbah Shillong.
Katkum ki kyndon ka long ba ia ki poster ba tah ne wah ha ki iing sorkar dei ban pynhap ne weng hapoh ka 24 kynta, ia ki poster ba wah ha ki jaka paidbah hap ban weng hapoh 48 kynta bad kiba duh ha ki jaka jong ki riew shimet dei ban pynhap ne weng hapoh 72 kynta.
