New Delhi, Nailar 13: U Myntri Rangbah Duh jong ka ri, u Narendra Modiu la pynkup burom ia ki dkhot ka kynhun nongialehkai jong ka ri kiba la leit iashim bynta ha ka Commonwealth Games (CWG) 2022 ha New Delhi. Ha kane ka prokram ban pynkup burom ia ki la iashim bynta ki nongialehkai bad ki nongai jinghikai ia ki.
U Myntri Sorkar Pdeng ba dei khmih ia ki tnat Kam Ialehkaibad Information & Broadcasting, uAnurag Singh Thakur bad u Myntri Khynnah ka tnat ki kam Ialehkai, uNisithPramanikki la iadon lang.
U Myntri Rangbah duh u la ai jingiaroh ia ki nongialehkai bad kito kiba ai jinghikai ia ki namar ka jinglah wanrah jingjop jong ki ha ka Commonwealth Games 2022 kaba la pynlong ha Birmingham, ha kaba ka India ka la ioh haduh 22 tylli ki takmaksiar, 16 ki takmarupa bad 23 tylli ki takmarnong ha ki jingialehkai bapher bapher.
U Myntri Rangbah Duh u la pdiang burom ia ki nongialehkai bad ki nongai jinghikai ia ki bad u la ong ba u dap da ka jingkmen namar ka jinglah leh bha ki nongialehkai ka India ha ka CWG 2022. U la ong ba kadeikaeikaei kaba hap ban sngew sarong ba namar ka jingtrei shitom ki nongialehkai, ka ri ka dang poi sha ka Azadi ka AmritKaalryngkat ka jingjop kaba ai mynsiem.
U Myntri Rangbah Duh u la ong ba ha kine ki taiew ba la dep, ka ri ka la ioh artylli ki jingjop kiba khraw ha ki kam ialehkai. Ha ryngkat ka jinglehbha ha ka Commonwealth Games, ka ri ka la pynlong ia ka Chess Olympiad ha ka sien kaba nyngkong.
Ha ka jingkren sha ki nongialehkai, u Myntri Rangbah Duh u la ong, “Katba phi dang ia don hapdeng ki jingialeh ha Birmingham, da ki klur ngut ki briew ka ri ki la peit miet hangne ha India ban peit ia ki jingialehkai jong phi.
Ki bun ki briew kiba thiah bad ka buh alarm khnang ba kin ioh jingtip shaphang ka rukom iaid ka jingialehkai jong phi.” U Myntri Rangbah Duh u la ong ba katkum ka jingkular jong u haba kane ka kynhun ka la mih na ka ri, mynta ngi dang rakhe ia ka jingjop.
Ha ka jingkren shaphang ki jingjop, u Myntri Rangbah Duh u la ong ba ka jingioh ia ki khusnam kam pyni ia ka jingshisha namar ki bun ki khusnam ba la lait tang khyndiat na kti bad ba ki nongialehkai kin sa pynbeit ia kane ha ki por ban wan. U la ong ba ka India ka la lap ia ka lad ba thymmai ban ioh jingjop ha saw jait ki jingialehkai haba ianujor bad ka lympungialehkai kaba la dep.
Ki nongialehkai ki la ialeh bha ha ka lawn bowls bad ka athletics. Lyngba kane ka jingjop, ka jingpdiang ki samla ka ri ia ki jingialehkai kiba thymmai kan sa dang kiew, la ong u Myntri Rangbah Duh.
U Myntri u la kren ruh shaphang ki jingjop jong ki nongialehkai kynthei ka ri ha ka boxing, judo, wrestling bad ka jingjop jong ki ha ka CWG 2022. U la ong ba 31 tylli ki khusnam ki la wan na ki nongialehkai kiba la leitiakhunnyngkong bad kane ka pyni ia ka jingkiew ka jingsngewshngain jong ki samla.
U Myntri Rangbah Duh u la ong ba ki nongialehkai ki la pynkhlain ia ka jingkut jingmut na ka bynta ka ‘Ek Bharat Shreshta Bharat’ da kaba pynioh khusnam ia ka ri bad ruh da kaba plie lad ia ka ri ba kan rakhe bad sngew sarong.
U la ong ruh ba ki nongialehkai ki ai mynsiemia ki samla ka ri ba kin leh kham bha ha ki jinglehkai bad kiwei kiwei ki kam. “Phi pyniasoh ia ka ri ha ka jingiatylli ha ka jingpyrkhat bad ka thong bad kane ruh ka dei ka bor kaba khraw jong ka jingiakhih jong ngi na ka bynta ka jinglaitluid,” u la ong.
U la kren ruh shaphang kito kiba la don bynta ha ka jingiakhih na ka bynta ka jingioh jinglaitluid ka ri ha kaba u la ong ba watla ki lad ba ki la shim ki iapher bha hynrei baroh kine ki don kawei ka thong kaba long ka jingioh ia ka jinglaitluid. Kumjuh, ki nongialehkai jong ngi ki rung ha ka lympungialehkaina ka bynta ka burom jong ka ri.
U Myntri Rangbah Duh u la ong ruh ba la iohiia ka bor jong ka lama jong ka ri ha Ukraine ha kaba ka la long kum ka stieh ia ki briew ka ri bad ki briew na kiwei kiwei ki ri ba kin ioh ban mih noh na ki jaka ka jingialeh.
U Myntri Rangbah Duh u la ong ba u dap da ka jingkmen halor ki nongialehkai kiba la mih na ka lympungKhelo India bad kiba la lah ban ialehkai bha pyrshah ki nongialehkai na kiwei kiwei ki ri. U la kren ruh shaphang ki jingmyntoi kiba la wan na ka TOPS (Target Olympic Podium Scheme) kaba ngi iohi mynta.
U Myntri Rangbah Duh u la ong ba ngi donkam ban pynkhlain ia ki jingpyrshang jong ngi ban lap shuh shuh ia kito kiba don sap bad ban ialam lynti ia ki sha ka jingjop. “Ngi don ka jingbahkhlieh ban wanrah ia ki kam ka jingialehkai kiba biang palat, kiba iar bad kiba kyllakatkum ka jingdonkam ka por.
Ym dei ban ieh dien ia kanokano ka sap,” u la bynrap. U Myntri Rangbah Duh u la pdiang ruh ia ka bynta jong kito kiba ai jinghikai ia ki nongialehkai, ki nongpyniaid kam bad kito kiba ai jingkyrshan na ka bynta ka jingjop jong kine ki nongialehkai.
U Myntri Rangbah Duh u la kyntu ia ki nongialehkai ba kin pynkhreh ia ka lynpung Asian Games bad ka Olympics ka ban wan. Ha ka Azadi Ka AmritMahotsav, u Myntri Rangbah Duh u la kyntu ia ki nongialehkai bad kito kiba ai jinghikai ia ki ba kin pynshlur ia ki khynnah da kaba leit sha ki 75 tylli ki skul bad ki jaka ai jingpule jong ka ri kaba la jiamynshem snem.
U Myntri Rangbah Duh u la ong ba ki bun bha ki nongialehkai kiba la leh ia kane hapoh ka prokram ‘Meet the Champion’. U la kyntu ia ki ba kin bteng ia kane namar ki khynnah bad ki samla jong ka ri ki burom bha ia ki nongialehkai.
U Myntri Rangbah Duh u la ong, “ka jingpawnam jong phi bad ka jingpdiang ki briew ia phi ka dei kaba phi hap ban pyndonkam na ka bynta ki pateng ban wan jong ka ri.” U Myntri Rangbah Duh u la pynkutia ka jingai jingkren da kaba ai jingiaroh biang ia ki nongialehkai halor ka ‘Vijay Yatra’ jong ki bad u la ai khublei ia ki na ka bynta ki kam jong ki ki ban wan.
Ka jingpynkup burom da u Myntri Rangbah Duh ka dei shi bynta jong ka jingpyrshang jong u ban ai mynsiemia ki nongialehkai jong ka ri ha ki lympungialehkai kiba heh ha kylleng ka pyrthei.
Ha une u snem ba la dep, u Myntri Rangbah Duh u la iakren bad ki nongialehkai ka ri kiba leit iashim bynta ha ka Tokyo 2020 Olympics bad ruh ka kynhunpara-athletes jong ka ri kiba la leit iashim bynta ha ka Tokyo 2020 Paralympic Games.
Wat ha ka Commonwealth Games 2022 ruh, u Myntri Rangbah Duh u la peit sani bha ia ka jingpynkhreh jong ki nongialehkai jong ka ri bad u la ai jingiaroh ia ki haba ki la wanrah ia ka burom sha ka ri bad u la kyntu ruh ia ki ba kin leh kham bha.
Ia ka CWG 2022 la pynlong ha Birmingham naduh ka 28 tarik u Naitung haduh ka 8 tarik u Nailar, 2022. 215 ngut ki nongialehkai ki la iashim bynta ha ki 19 jait ki jingialehkai ha kaba ka India ka la ioh 22 tylli kitakmaksiar, 16 ki takmarupa bad 23 tylli ki takmarnong ha ki jingialehkai bapher bapher.
