Shillong, Lber 30: Ka Nongstoin College kala pynlong ia ka jingiathier haba kaba ia dei bad ka phang ban ong “Em ia u Drok” ha kaba u Parag Chaturvedi ba dei u Commandant, SHQ bad SSB jong ka sorkar Assam u la kren ia ka jingman namar ka ktah ia ki samla pule na ka jingduh ia u drok.
La ong ba ka jingdon ki nongdih drok ka ktah ia ka koit ka khiah bad ha ka juh ka por ka long ka wanrah ia ka jingeh ha ka imlang sahlang, kane ka ktah ia ki nongdih drok shimet bad kum juh ia ki long iing long sem kiba mat ia kane kumta la kyntu ia ki samla ban kiar.
Ha kane ka jingkren la ong ba ka jingshah lynshop na ka jingdih drok ka long ba ka ktah ia koit ka khiah jong u ne ka briew, kane kam dei tang shipai hynrei ka ktah shirata, ka ktah ruh ia ka bor jabieng, ka poynthud ia ka imlang sah lang bad ka pynhiar ruh ia ka ioh ka kot.
Ha kane ka sngi Saitjain ki samla pule jong katei ka College kiba la ia shim bynta ki long 164 ngut bad ha kane ka sngi kila ai ka jingkular ban ong em ia u drok, ha kane ka sngi la don lang u bah H. Kerwood Thabah ADCs ka WKH District, Dr.I Mawthoh Principal bad bah Ruben nonghikai.
