Rah ka Shillong Lajong FC ia ka nam lahduh ha ka Shillong Premier League  2024-25.

Shillong, Lber 15: Ka Shillong Lajong FC ka la ioh ban rah ia ka nam lahduh   jong ka Shillong Premier League 2024-25 hadien ba ka lah ban pynliem noh ia ka Mawlai Sports Club da 2-1.

Haba phai sha ka jingialehkai ka long kaba itynnad ha kaba ka Shillong Lajong FC ka la  ioh ban lam khmat da 1kol ha ka minit kaba 10 bad la thep da u Abhay Chettri,    ha ka First Half jong ka jingialehkai.

Haba phai sha ka 2 half ka jingialehkai  ka long kaba itynnad ha kaba  ka Shillong Lajong ka la ioh ban lam khmat biang sa 1 kol ha ka minit kaba 76 bad la thep ia ka kol da u Samshaphrang lato,  bad pynlong ia ka Lajong ban tam  da 2 kol – 0  ia ka Mawlai , ha shwa ban kut ka jingialehkai ka Mawlai Sports Club ka la ioh ban pynphai kylla 1 kol ha ka minute kaba 88 lyngba  ka penalty bad ka Mawlai SC ka la ialeh tyngeh ban pynphai biang  hynrei da ka jingtbit u rang ap kol ka shillong Lajong, ka Mawlai SC ka la hap mad noh ia ka nam rem bad pynlong ia ka Shillong Lajong FC ban rah syndon ia ka nam lahduh da ka 2- 1.

Ka Shillong Lajong FC ka la ioh ia ka song pisa kaba 6 lakh tyngka ,bad ka Mawlai kaba la wan ba ar ka la ioh ia ka song Pisa kaba 3 lakh tyngka bad ia kine ki khusnam la sam da u Myntri ba peit ia ka tnad ialehkai ka Sorkar Jylla u Bah Shakliar Warjri bad kumjuh ha ka jingiadon ryngkat lang ki Nongpyniaid jong ka Shillong Sports Association , ki Nongkitkam ka Meghalaya Football Association.

La sam ruh ia khusnam top Scorer  jong ka Shillong Premier league 2024-25 ha kaba la ioh da u Player ka Shillong Lajong FC u ba la ioh ban thep haduh 19 kol.

Na ka liang u Myntri ka tnad ialehkai  jong ka Sorkar jylla u Bah Shakliar Warjri u la pyntip kum ka dak ban kyrshan ban kyntiew ia ka kam ialehkai  football ha ka Jylla  ka Sorkar ka la noh synniang 8 lakh tyngka sha ka Shillong Sports Association.

 

What Next?

Recent Articles

Leave a Reply

*

Submit Comment

Where to buy Vidalista Professional 20 Mg (Tadalafil) tablet