Rai ka  Kabinet  ban pynkylla ia ka MRCF & CE Rules, 2011, ka hok ban ioh leit skul

Shillong, Jylliew 10: Ha ka jingialang kaba nyngkong eh jong ka Kabinet kaba la long ha Tura mynta ka sngi, kala wanrah ia ka mat jingiakren na ka tnad pule pulthi ban wanrah ia ka jingpynkylla ia ka “Meghalaya Right of Children to Free and Compulsory Education Rules 2011”.

Ka jingwan rah ban ia kren hapoh ka Kabinet ha kaba ia dei bad kane ka jingpynkylla ka long ban ia biang bad ki kyndon kiba la shna da ka saorkar pdeng ha kaba ia dei bad ka hok ban ioh leit skul, na ka liang jong ka Kabinet ka la pdiang ia kane jingpynkylla.

Na ka liang jong ka tnad pynroi nongkyndong kala wan rah ia ka mat ban ia kren hapoh jong ka Kabinet ban wanrah ia ka jingkylla ha ka “Meghalaya Community Participation and Public Services Social Audit Services Rules 2017” ha kaba ka cabinet kala pdiang.

Ha kane ka jingialang ka Kabinet kala shim ia ka rai ban buh u wei uwei u myntri sorkar ban peit ia kawei kawei ka District na ka bynta shisnem ban bud dien ia ka jingpyntrei kam ia ki skhim jong ka sorkar ha baroh ki District da kaba pynlong ia ki jingialang bad ki khlieh jong ki District.

Ka Kabinet kala pdiang ia ka polisi ha kaba ia dei bad ka jingpyntrei kam ia ka “Solid Waste Management Policy” kaba la wanrah da ka tnad pynroi sor, kane ka polisi kan trei kam noh mardor.

Na ka liang jong ka tnad khaii pateng jong ka sorkar jylla kala wanrah ia ka mat ia kren hapoh jong ka cabinet ia kaba la tip km ka “Meghalaya Start up Policy 2018”. Ka Kabinet ka la pdiang ia ka jingtyrwa bad kan kan iarap ia ki samla ha ka seng kam seng jam.

Ha kane ka jingialang ka cabinet kala pdiang ruh ia ka “Meghalaya State Sports Policy 2018” ia kane ka polisi la pdiang ha dien ba kala don ka jingpynbeit ryntih ha kiba bun ki bynta jong ka polisi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet