Shillong, Risaw 30: Mynta ka sngi ki shipai BSF kila pynlong ia ka jingiarap ia ki paidbah ha khappud bad ka Bangladesh ha South Garo Hills District da kiba bun ki tiar sha ki nongshnong khatam eh ki pipe Um.
Ki tiar kiba la ai ha kane ka sngi ki long kum ki top um, ki light na ka sngi, bad kiwei ki jigndon kam bad ka jinglut baroh naka bynta kine ki tiar kiba la thied ban sam sha ki paidbah kala ko sha ka T.2,37000/- tyngka.
Ka jingsam ia kine ki jingiarap kiba la long ha kane ka sngi ka dei ia ki khynnah skul jong ka shnong Mahadev, Ka jingiarap ia ka Kanai LP Skul, Patlaban, Bongera, ka Kanai bad kiwei kiwei .
Ha kane ka sngi u Deputy Commissioner jong ka South Garo Hills u Shivansh Awasthi la long u kongsan ha ka jingiadon ryngkat ki shipai BSF, kane ka dei ka jingiarap kaba ki shipai BSF ki juh ai na kapor sha ka por ia ki paidbah ha khappud.
