Shillong, Iiaiong 29: Ha ka por shiteng sngi u blei ar tylli ki trok kit khaw kiba don ha kudam jong ka “Food Corporation of India” ha Mawlai kila shah thang ha ki riew sniew kiba ym lah ban tip, la ong ba kane ka la jia ha ka por kumba 11.30 bad 12.00 baje por shiteng synia.
Ha ka jingiakren jong u SP News Agency bad u wei na ki nongap ha kane jaka b don h khyrdop, la iathuh ba kane ka jingjia kala jia ha ka por shiteng miet bad kim tip ruh ha kano ka rukom kane ka la jia shu iohi ba ka dieng kala klang.
Na ka liang jong ki kali pynlip dieng ruh kila wan ha dien ba kila pytip bad la lah ban tem ia ka jingklag jong ka dieng. Ki kali kiba la julor ki don ar tylli, ki trok kiba la julor ha kane ka jingshah thang kwei ka don ia u number, AS-01-DC-6297 bad kawei pat ka don ia u number AS-01-CC-9187.
Kine ki kali baroh ar tylli ki la julor bad u khaw u b don ha kine ki trok ruh kila ieng namar ka jingkem ding jong ki tarpolin batap ia ki kali ban lait na ka jingduh jong u khaw ba don ha kine ki kali.
Katkum ka jingtip kaba la ioh la iathuh ba bun tylli ki trok kit khaw kiba wan ban pynhap khaw kila ieng ha kane ka kudam jong ka FCI ha Mawlai mynta la shitaiew ei ei namar ka sniew ka weightbridge. Kine ki ar tylli ki trok kiba la shah thang ruh ki la don ha phyllaw jong ka kudam jong ka FCI.
Mynta ka sngi na ka liang jong ki pulit kila leit sha kudam jong ka FCI ban pynlong ia ka jingtohkit bad ha kane ka jingiawad jong ki pulit ia ki sawdong sawkun ha phyllaw jong kane ka FCI la lap na sanium ia ki klong kiba la sam petrol. Na ka liang jong kai pulit ki dang beteng ia ka jingtohkit ban lap ia ki nongleh ia kane ka kam sniew.
