Shillong, Naiwieng 13: Mynta ka sngi ka United Democratic Party (UDP) kala khot ia ka jingialang jong ka Central Executive Committee kala khot ia ka jingalang ban ia kren ia ka MP Election ka ban long ha u snem 2024 kum juh ruh ia ka MDC elekshon.
U bah Metbah Lyngdoh President jong ka party haba kren ha ki lat pathai khubor ha dein ka jingialang la ong ba kila ia kren ha kaba ia dei bad ka MP election na ka 1-Shillong Parliamentary Konstitwensi bad ia ka MDC elelction sha ka iing dorbar jong ka KHADC bad JHADC.
Na ka liang jong ka UDP ryngkat bad ka party HSPDP mynta ka kynti ruh kin sei u kyrtong MP ban iakhun ia ka elekshon sha Lok Sabha, na ka liang ka party kala thaw ia ka State Election Committee ia kaba ynkhlieh da u President ka party.
U bah Metbah la ong ba ka party kala ai ia ka jingbthah sha baroh ki District ba kin ia trei shitom ban ia pynkhlain bad ban pyntyllun ia ka kam bad la ong ba kan don ka jingiatreilang na ka bynta ka MP elekshon ban wan.
Lah ban pynkynmaw ba ka UDP bad ka HSPDP kila pynim biangia ka Regional Democratic Alliance ban pynkhlian ia ki seng riewlum da ka jingiatreilang ym tang ha ka kam elekshon hynrei ha kiwei ki kam kiba ktah ia ka jylla.
