Shillong, Nailur 27: Ka Deputy Commissioner jong ka East Khasi Hills District ka kong Isawanda Laloo kala phah da ka jingthoh sha ki khyndai tylli ki seng sain pyrthei ha kane ka jylla Meghalaya.
Ki party kiba la ioh ia kane ka shithi ki long Indian National Congress, National Congress Party, National People’s Party, United Democratic Party, People’s Democratic Front, Hills State people Democratic Party, Khun Hynniewtrep National Awakening Movement, All India Trinamool Congress bad ka Bharatiya Janata Party.
Ha ka shithi, la thoh ba na ka daw ba ka jylla kan sa leit sha general elekshon ha u snem 2023 , la bthah ia baroh ki seng sain pyrthei haba ki pynlong ia ki jingialang paidbah, ne jingiaid paidbah ki hap ban da pan jingbit.
Kane ka long ban nym don kano kano ka jingjia kaba sngewsih ha ka por ba long ki jingialang paidbah ne ka jingiaid paidbah, bad haba pan jingbit ban pynlong jingialang kid ei ban da suh lang ruh ia ka jingbit na ki shnong ba kan don katta ka jingialang.
Haba pynlong ia ki jingialang kiba rit ki kyntait ne ha ki iing briew dei banpynthikna ba kan nym don kano kano ka jingpynwit ia ki para marjan bad ia ka jingialang dei banpynkut noh hapoh ka 8.00 baje mynmeit.
