Shillong, Naitung 07: Mynta ka sngi ka seng Jaintia Student’s Union (JSU) kala phah da ka jingthoh sha u Postmaster jong ka Jowai Head Post Office ban khang iaka ophis ha ka por ka ba don ka leh niam Behdienkhlam.
Ha ka shithi ka JSU kala ong ba ki dei ban khang ia ka ophis treikam jong ki ha ka 8 bad 9 tarik Naitung 2026 ba don ka jingleh niam Behdienkhlam bad kane ka long ka jingkyrpad na ka seng namar kane ka jinglehniam ka kren ia ka riti dustur jong ka jaidbynriew Pnar.
Ka seng kala kdew ba wat ka sorkar ha ka sngi lehniam Behdienkhlam ki ai shuti bad na ka liang jong ka ophis jong ka Post Office tuh ki dei ban burom ia kane ka jinglehniam bad kila thoh shai ba ia kane dei ban pyntip sha ophis Postmaster General, Meghalaya Circle ba un ai jingbit.
Ia ka shithi kaba la phah na ka seng la soi da u samla Mewario Pyrtuh u General Secretary, JSU Jowai Circle bad u samla Wansalan Dame Patwet u Finance Secretary, JSU Jowai Circle.
