Shillong, Jymmang 24: U bah Prestone Tynsong mynta ka sngi u la ong ba ka sorkar kala iohi ia ka jingkynnoh ka kong Angela Rangad pyrshah ia ka sorkar halor ka jingiarap ia ki long iing baduk ha u snem 2020 namar ka jingkhang dam.
U bah Tynsong, u la ong ba um shym poi pyrkhat ba ha ka kyrdan jong ka kong Angela kan kren bad ialam bakla ia ki paidbab, lada kim tip ia ka rukom trei kam ka sorkar la dei ban leit shah hikai ha MATI ban sngewthuh.
Ka sorkar ka pdiang ia ki jingkynthoh lada ki kdew ia ki jingbakla bad kiba ai jingmut ruh ha ka jub ka por, hynrei ban kynnob kumba kynnoh ka nongialam ka TUR yn num lah ban pdiang, wat ia kynnoh palat ioh ka kyrtoh kylla, la ong u bah Prestone.
U bah Prestone u la ong ba ha u snem bala dep ka sorkar kala khot applikoshon ia kito ki ba duk, kiba ba don ia ka job kard, kiba ioh ia ka PM Kisan, kiba trei bylla bad ki tnad sorkar kiba don kard AAY bad PHH kin nym lah ban buh aplikoshon.
Halor katei ka jingbthah ka sorkar baroh kiba la buh ia ki applikoshon ki long 2,33,194 ngut ha di en bala peit bniah da ka NIC, la shen ba kiba dei ban jingiarap ki long 1,81491 ngut, kiba la ioh ia ka pisa haduh mynta ki long 1,45,161 ngut, kiba khlem pat ioh ki dek 36,330 ngut, ka jingphah ia ka pisa sha ki tei ki briew ka dang iaid haduh mynta lyngba ki artylli ki bank ka SBI bad ka HDFC.
U bah Prestone u la ong ba ka jingslem ym dei na ka sorkar, hynrei ba kim biang ki akkount bank jong ki, kito kiba la mih kyrteng kin ioh ia ka jingiarap, ka pisa kaba la dep ban siew haduh mynta ka long T. 30.31 klur bad kaba dang hap siew ka long T. 7.5 klur.
U bah Prestone u la kyntu ba lada ka nongialam ka TUR kwah ban ai ka jingshakri paidbah kham bha ka dei ban mih sha khmat ban ia khun elekshon ha u snem 2023, ka jingkren ka TUR ka ialam bakla ia ki paidbah namar ki paidbah rub ki sngap ia ki khubor lamler.
