Shillong, Naitung 20: Mynta ka sngi ka seng samla pule KSU kala ujor da ka ejahar pyrshah ia kawei ka ksul kaba ha Baridua Ri bhoi District ka Little Star Senior Secondary School Kala pyn donkam ia kawei naki kot pule haka class III kaba dei ka subject Social Studies kaba La thoh ia kane ka kot da u Dr. Dhananjay Joshi bad ka Neelam Jain.
Ka jingujor ejahar pyrshah ia kane ka skul ka long ba ha kane ka kot la thoh ba ha Meghalaya la kren da ka ktien Benggali, Nepali bad Marathi, ia katei ka kot la pynmih da ka Bright Star Books International, 521-Vasnant Kunj, New Delhi-110070.
Ia ka ejahar la mudui hapoh jong ka Khanapara Police Station, ka jingujor pyrshah ia katei ka skul ka long ba kila pyndon kam ia ka kot pule ha katei ka skul ka long kaba bakla bad ka bym dei haei haei ruh bad katkum ka ktei ka kot la long ba ka ktien kren ha Meghalaya dei ka Bengali, Nepali bad Marathi.
Kum ban Shu pynkynmaw ba ka Meghalaya Lagislative Assembly ka la pass ia ka Rai ban dawa ban pynrung noh ia ka ktien Khasi bad Garo ha ka Khyrnit kaba Phra, Ka Khasi Author Society (KAS) ka Khasi Students Union (KSU) bad kiwei kiwei ki Seng ha Jylla Meghalaya ki dawa ban pynrung ia ka ktien Khasi ha ka Khyrnit kaba Phra.
Hynrei kane ka kot ka long pyrshah ia ka jingdawa bad ka jingangnud kaba lah slem jong kiba bun ban pynrung ia ka ktien Khasi ha ka Khyrnit kaba Phra kaba ialam bad pyn sngewthuh bakla ruh iaki khynnah kiba pule ha katei ka skul
Hadien ba la ioh jingtip na ka Liang ka Seng KSU ka la leit ban kynduh ia u Principal katei ka skul ban ioh jingshai, haba ia kren ha katei ka jingiakynduh u Principal ka Skul Little Star Senior Secondary School, Baridua Ri Bhoi District u la ong ba na ka Liang ka skul mar sien tip ia kane ka jingbakla ka la pynsangeh ban hikai bad u la kular ruh ban thoh sha u Publisher ban pynbeit ia kane ka kot.
