Shillong, Jymmang 15: U bah David Kharsati President jong ka Meghalaya Health Care Association la ong ba ka All India Organisation of Chemist and Drougist kaba dei ka seng ki nongdie dawai ha ka Ri India kin pynlong ia ka jingiakhih ha ka 20/Jymmang/2026 da kaba sangeh ban die dawai ha katei ka sngi.
Kane ka jingiakhih ka long ban pyrshah ia ka jingdie ia ki dawai online bad ka jingpynhiar dor palat ki kompeni, ka jingpyrshah ka long ba la die ia ki dawai kiba khlem da pynshisha bad ki dawai tad dor kaba ym lah ban tip kiba lah ban dei kiba sniew.
Haba kren ha ki lat pathai khubor ha Shillong Press Club u bah David u la ong ba ki kyrshah ia katei ka jingkhot ka seng kmie, na ka liang jong ka Meghalaya Health Care Association kan ia shnoh kti lang ba kin sangeh ka jingdie dawai ha katei ka sngi ba don ka jingiakhih ha ka Ri India.
U Bah David u la ong ba kane ka jingiakhih kan nym ktah ia ki ba pang ba shitom ia ki jaka die dawai kiba don ha ki jaka ai jingsumar la pynlait ia ki na kane ka jingiakhih, ka jingkyrshan ia kane ka jingiakhih ka long ban iada ia ki nongdie lang bad ia kiba die khutia ia ki dawai.
