Jowai, Naiwieng 16, 2023: Ka ophis jong u Deputy Commissioner, West Jaintia Hills District, Jowai ha ka jingiatreilang bad ka Tnat Tribal Affairs ka la rakhe ia ka HamaraSankalpViksit Bharat ha Thadlaskein C&RD Block, West Jaintia Hills.
Ha kaba iadei bad kane, la pynlong iaka prokram ai jingtip ha ATS Kyortyrkhang, Khliehtyrshi West Jaintia Hills District. Ki ophisar na ka Block office, KVK, Agriculture, Branch Manager SBI, Jowai, ki nongmihkhmat na ka LPG gas agency bad kiwei kiwei ki la ai jingtip ia ki nongiashim bynta shaphang ki skhim bapher bapher jong ka Sorkar.
Kine ki kynthup ia ka PMAY, PMJAY, NRML, Atal Pension Yojna, PM Jan DhanYojana, ki dawai sboh Nano bad kiwei kiwei ki skhim. La pynlong ruh ia kum kane ka prokram ha Moopyllaitsyiar, Khliehtryshi mynta ka sngi.La ialam ia ka jingbamsmaiViksit da u Bah B. Langbang, BDO ka Thadlaskein Block.
U Bah B. Langbang u la iathuh ba ka Viksit Bharat Sankalp ka dei kaba la sdang da ka Sorkar Pdeng ban ai jingtip ia ki paidbah lyngba ka IEC (Information, Education and Communication) Van. Kane ka kali IEC Van kanleit sha 49 tylli ki shnong hapoh ka Thadlaskein Block ban ai jingtip shaphang ki skhim jong ka Sorkar.
Ha kane ka prokram ai jingtip, la pynlong ruh ia ka health screening ha kaba la leh ia ka BP test, TB screening, bad kiwei kiwei ki jingshakri kiba hap hapoh ka smart card ha kaba ki nongiashim bynta kim shym la hap ai jingsiew eiei.
Kito kiba ioh jingmyntoi na ki skhim Sorkar ki la ioh lad ruh ban batai shaphang ki jingshem jong ki. La pynlong ruh ia ka skit ba lyngkot da ka VO jong ka shnong ha kaba ka khubor ka long ka jingiada ia ka mariang.
