Shillong, Naitung 21: U MLA ka Mairang uba long ruh u Lamphang ka ïingdorbar thawaiñ ka Jylla, u ba
h Metbah Lyngdoh mynta ka sngi u la pyntip baka ophis jong u kan sam biang ïa ka khusnam sha ki samla pule kiba na Mairang konstitwensi kiba la pas bha mynta u snem 2020.
Katkum ka jingïathuh jong u MLA ka Mairang u la ong, kine ki khusnam kin long na bynta kito ki samla kiba pas ha ka Secondary School Leaving Certificate (SSLC), Higher Secondary School Leaving Certificate (HSSLC) jong ki board naduh ka MBoSE, CBSE bad ICSE.
Na ka bynta ka HSSLC yn sam sha baroh ki jingpule, ka arts, science bad commerce bad ki ban ioh ïa ka khusnam kin long mar 10 tylli ha ka SSLC bad HSSLC. U la pyntip ruh ba yn pdiang ïa kiba pas bha naduh ka SSLC bad HSSLC.
Ki kot jingdonkam ki ban pynpoi ki kynthup ïa ki Marksheet, Birth Certificate, Schedule Tribe, EPIC kmie bad kpa, dur ar tylli bad number phone.
Ka tarik ba khatduh ban pynpoi ïa ki kot baroh kan long hapoh ka 31 tarik Naitung da kaba leit buh ha ka ophis u Lamphang ha Khyndailad, Shillong bad ha ka ophis treikam jong u MLA kaba don ha Lumsohkhlur, Mairang.
Namar ka jingdon jong ka khlam pandemic, ki samla pule ki lah ruh ban phah ïa ki kot sha kane ka email id kyrmen.2009@gmail.com.
