Shillong, Lber 08: u Bah Pyniaid Sing Syiem jong ka seng HSPDP mynta ka sngi u la shah jied kum u Deputy Chairman jong ka KHADC khlem da don ba ialeh pyrshah ia u ha kane ka kam.
Na ka liang jong ka ARPA ka kynthun ba la thaw da ki lai tylli ki seng riewlum ka HSPDP, KHNAM bad ka UDP, kila ia rai ba ia ka kam Dy Chairman ka dei ban leit sha ka KHNAM kaba don saw ngut ki MDC, hynrei kane ka seng kala kyntait ban pdiang ia kane bad la tyrwa sha ka UDP kawei ka na ki seng ba ia treilang hynrei kane ruh ka la kyntait.
Namar ba ki ar tylli ki party kiba la ia treilang kim shym la treh ban shimti ia kane ka kam Dy Chairman na ka liang jong ka seng HSPDP kaba ialam ia kane ka EC kaba thymmai hapoh jong ka KHADC kala shimti noh hala de ia kane ka kam.
Ki thymmei khubor ki iathuh ba na ki 10 tylli ki shuki EM ha KHADC na ka liang jong ka ARPA kala ia rai ba saw tylli kan leit sha ka UDP bad ka kam Dy CEM, lai tylli sha ka KHNAM bad saw tylli sha ka HSPDP kynthup lang ia u CEM. SP News)
Lada ka KHNAM bad UDP ki treh ban shim bynta ha ka synshar khadar ha KHADC, ka paw shai ba kan sa khyllem noh kane ka EC kaba la pyskhem dang shen. Ban ia tyllii U Khasi ka long kaba eh. Ka juk mynta ka donkam ia jingialir jingmut lang kawei ka thong kawei ka kam ban wanrah pat ia ka roi ka pa ha Ka Ri Khasi Baieit jong ngi.