Shillong, Jymmang 29: Ka Khasi Hill Autonomous District Council lyngba ka tnad khaii pateng(trade) mynta ka sngi ka la pynlong ia ka jingleit khynra ia ki dukan kiba don hapoh khlieh iewduh, bad hakane ka jingleit khynra na ka liang jong ka KHADC kala khang khyrdep ia ki 39 tylli ki dukan.
Ia kane ka jingleit khynra ha kane ka sngi la ialam da u bah polan Sohphoh superintendent ba dei peit ia ka tand khaii pateng , ryngkat lang ruh bad u bah Latiplang kharkongor u ba long u EM bad u ba dei peit ia katei ka tand jong ka KHADC.
Haba iakren bad ki nongthoh khubor mynta ka sngi hadien ba la dep ka jingleit khynra u bah Latiplang kharkongor u la ong ka daw ba hap ban khang khyrdep noh Ia ki tei ki dukan 39 tylli ka long namar kim sngap bad kim suidniew ia kaba ka tnad ba dei peit ia khaii pateng ka la bthah.
U bah latiplang u la ong ruh ba 6275 tylli ki trading Lisence kiba la ai sha ki bar jylla ha kine ki snem ba la leit noh, bad mynta ka EC kaba thymmai kala pynbeit ba ym ai trading lisence shuh ia ki kam kaba ki trai shnong khasi ki la lah ban trei kin ai tang ia kito kiba ym pat lah ban trei da ki Khasi.
Mynta ka sngi ka KHADC ka la bthah ruh ia u syiem jong ka Hima Mylliem bad kumjuh ruh ia ki wei pat bad kim dei ban ai No objection Certificate ia ki bar jylla, bad dei ruh ban da ioh NOC shwa na ki trai jaka namar bun ki paidbah kiba tang na kane ka jylla ruh kiba nang ban khaii pateng.Kane ka EC kaba mynta ka al wanrah ia ki ain kiba pyrkhing hakaba iadei bad kane.(SP News)
