Ban ia sngewthuh paidbah,pynkylla khasi ia ka bill dawa ki khlieh nongsynshar

Shillong, Naiwieng 01: U Bah John F Kharshiing mynta ka sngi ha ka jingialang kaba la khot da ka sorkar ban ia kren halor ka “ Meghalaya Regulation Of Landlord and verification of Tenant bill, 2013” u la ong ba ka sorkar ka dei ban pynkylla khasi ia kane ka Bill.

Ki khlieh nognsynshar ki don kam ban ia kren ia kane ha ki hima bad ki dorbar shnong, u la pynpaw ruh ba ki don bun kiei kiei kiba hap ban ia shai kum ka kytien “ Local Authority” bad kiwei de.

Na ka liang jong ka seng SSSS ka la ong ba don kam ban ai shuh ia ka por ban ia kren namar kane kam dei ka kam kaba suk ka don kam ia shibun ki jingiaphylliew jingmud la ka dei ka ILP ne ka Tennant Bill lane ka lah ban dei da kawei ruh. La kyntu ruh ia ka sorkar ba kan khot ia kren ia ki seng bhalang kiba dawa ia ka ILP.

Kata na ka liang jong u Chairman jong ka Council jong ki Nokmas u K C Momin u la ong ba lada ki khlain ki dorbar shnong ia ka ILP yn nym don kam, hyrnei ka eh mynta ka long ba wat ki bar jylla ki thied jaka ia kane dei ban khang.

U la kyntu ia ka sorkar ba ka dei ban iarap ia ki khlieh nognsynshar da ka ba ai ia ki register ba kin buh jingkhein ia ki briew kiba hap hapoh ka jingpeit ka jong ki, lada lah ban leh kumno ha Garo Hills ym don kam ILP.(SP News)