Shillong.Lber,19: Ki seng bhalang ba pher ba pher kiba don hapoh ka jingialam jong ka KSU bad FKJGP Mawlai circle mynta ka sngi naduh ka por hynniew baje ki la la leit ban khang lynti na poh pump Mawlai ia baroh ki kali thehniut kiba mut ban leit theh ia kine ki niut sha marten bad baroh kine ki kali kiba la wan ki hap ban leit phai noh.
Ha kane ka sngi ki kali ki ba mut ban leit theh niut ki don baroh kumba shiphew haduh arphew tylli ei ei, bad la shah khang ia ki kali kit niut kiba na Mawlai ban leit theh ia ki niut sha marten.
Haba ia kren bad ki nongthoh khubor ha kane ka sngi halor kane ka phang u bah Marbud Dkhar u ba long u President jong ka seng FKJGP u la ong “kadaw baroh ba ngi leh khnang kumne ka long namar ba ka Myntri ki kam Pynroi sor ka kong Ampereen Lyngdoh ka kren bein ia ki nong Mawlai ba ka ong ba ka Mawlai ka dei “ka slum area”.
Baroh ki nong Mawlai ki la sngew ingkhong iaka ne ka jingkren bein ka kong lyngdoh bad baroh kine ki seng bapher ba pher ki dawa ia ak kong Ampereen ba ka dei ban pan map halor ka ne ka jingong ba lap lah jong ka,”Haoid ki don katto katne ki jaka ki ba long kumta hynrei ym dei pat ban ong ia ka mawlai baroh kawei u bah Dkhara”bad ngin sa shim ia ka rai lashai ka sngi kumno ka kong Ampereen ka ong.
Ki sengbha lang bad ki paidbah ki buh ka jingkylli mynta hakaba iadei bad kane mynno la leh ia ka jingwad bniah ban lap ba ka Mawlai ka dei ka Slum area?Mynno la leh ia kita ki kam pynroi ha Mawlai?baroh ki nong MAwlai ki dap da ka jingkyndit ba kane ka myntri ki kam pynroi sor ka pynhap jubor ia ka Mawlai ha ka Slum Area.
Ki nong ialam sengbhalang jong ka Mwalai Circle ki la ong ruh ba kane ka dei tang ka buit poh bad ka buit sainti jong ka kong Ampereen ha ka jingshisha la dei ban ai ka jing iaroh ia ia ka Mawlai ba ka la ai ia ka jaka theh niut hynrei da khongpong lyngba ka jing don jong ka ne ka Marten ka pynhap pynban ia ka Mawlai ha Slum area.(SP News)
