Shillong, Nailar 16: Ki paidbah nongshong shnong jong ka smit mynta ka miet ki la kem ia ki briew kiba la suba ba ki dei ki menshohnoh bad ki paid bhur ki la ia bom ia tied ia kine kiba shah kem.
Na ka liang jong ki pulit ki la poi sha Smit ban pynlait ia kine ki ba shah kem hynrei la long ba wat ki pulit ki la shem shitom ban leh ei ei namar la bun palat ki paidbah kiba ia lum ha kane ka jaka. La ong ruh ba ka la don ka jingiap briew ruh.
Haba u SP News Agency u la ioh ban kren ia u Sordar jong ka shnong u bah Kynsai Syiem la ong ba ka don kata ka jingioh kem bad haba ki la pyrshah ban ia tur ban ia da ruh ym lah leh ei ei shuh bad u la shah kura pynban ia lade.
La iathuh ba na ka liang jong ki pulit ruh ki la poi ha kane ka jaka bad mynta ki la ioh ban rung sha poh ban tem ia kane ka jingiahuri hura. U laong ba ia mynta ym pat lah ban ong ei ei namar ba tang ban rung hapoh ruh um ioh lad.
Kiwei pat ki tyllong khubor ki iathuh ba ha ka 15 tarik mynta u bnai la ong ba ki la don ki briew kiba rah ia ki khynnah bad thep ha ka borni ha ka jaka ia lehkai boll ia kaba la tip kum ka Umphrup, ia kane ruh ym pat lah ban pynshisha la ka dei ne em la ong u Bah Edar Nongbri MDC barim jong katei ka jaka.(SP News)
