Shillong, Nailar 30: Ki samla kiba la dep ban pule ia ka kam Nurse mynta ka sngi ki la kynnoh ba ki don kiba khlem wan thoh examin hynrei ki pass ia ka exmin ka jong ki. Na ka liang jong ki samla pule kiba la dep pass ia ka examin kid aw ba dei ban kem ia kiba don kti ha kaba pynpass ia kum kitei ki briew.
U Bah MH Riang haba kren ha ki nongthoh khubor mynta ka sngi u la ong ba ka sorkar ka dei ban don noh ia ka policy ha kaba thung kam ia ki Nurse ba ka dei ban buh 50% ia kiba la phah da ka sorkar ban pule bad 50% ia kiba la pynlut hi na lade ha kane ka jingpule.
Lada ki briew kiba khlem wan thoh examin ki pass ia ka exam jong ki kan myntoi aiu ban pynlong ia kata ka exam la kylli u Bah Riang, la dei ban pynpass ia baroh kiba la apply ia ka kam kane ka jingleh jong ka sorkar ka la pynlyngoh.
Haba ia dei bad ka jingpynlong ia ka wei ka examin na ka bynta kiba pass ia ka BSc Nursing bad ia kiba pass GNM kam ha hap dur satia namar ka jingpule ka iapher hynrei haba ki trei ia ka kam ki long kumjuh.
Ki Nurse kiba la trei bun snem ki tip bha ia kaei kaba ki trei la ka long ha ICU ne OT, ban ong ia ka jingpule ki tip tang ia kaei kaba ki la pule ban ia kyllum lang ha juh ia ki GNM bad ia ki BSc Nursing kam ia hap da lei lei.(SP News)
