Shillong, Nohprah 10: U myntri rangbah ka jylla mynta ka sngi u la kynnoh pyrshah ia ka seng UDP ba dei kane ka party kaba la pynkulmar jingmud ia ki paidbah, kan jin da la bha ia ki ba kin nym shim ia kane ka jingiakhih ha ka jylla kum ka jingmyntoi ha ka sian pyrthei, hynrei ym shym la ker kyrteng ia uno uno u nongialam.
Haba ia dei bad ka jingdawa ia ka ILP ha kane ka jylla u Dr Mukul u la ong ba ka sorkar ka don la ka jong ka nongrim haba kam treh ban pyntrei kam ia ka ILP, kane kan nym wanrah ia ka jingmyntoi hynrei kan ktah ia ka roi ka par jong ka jylla.
Ha ka juh ka por u la ong ba lada kita ki seng bhalang ki sngewkhia ia ka jingwan tuid jong ki briew kiba na bar kane ka dei ka por ia ki ba kin ai jingmud sha ka sorkar umno ban leh ban khanglad ia kane ka jingwan ki birew kiba na bar
Haba ia dei bad ka jingdawa jong ka TUR ban pynkylla ia ka ain PMDA bad MMPO, na ka liang jong u myntri rangbah u la ong ba kan nym don kano kano ka ain kaba lah ban pyntrei kam khlem da pass da ka iing dorbar la ka dei ka parliament en ka iing dorbar thain ha ki jylla.
La ong ba lada kane ka jingleh ka long tang ban wanrah ia ka jingbym shong suk shong sian ia kane ka kam lah ban kynnoh ba ka dei ka jingiasylla lang kumno ban thaw jingklumar ban pynsngewthuh bakala ia ki paidbah. (SP News)
