Jowai, Iaiong 24: Ka jaintia youth federation (JYF) War Jaintia Region ka pynpaw ia ka jingsngewkhia bad ka jingsngewsih kaba jur haduh katta ia ka jinglong Suri kup snieh langbrot bad leh politic u Organising Secretary u samla Esterwis Ryngkhlem ia ka Seng katkum ba la mih ha ki lad pathai khubor pyrshah ia ka JYF bad ia ki nongialam jong ka khamtam eh ia u president ka seng u Samla poipynhun Majaw.
Sngewtynnad mynta ba u Esterwis Ryngkhlem u la phla dalade lyngba ki lad pathai khubor ba u Ex-CEM MB Rymbai u tyrwa pisa 6 lak tyngka lyngba jong u ban tyrwa kylla ia u President ka JYF, hynrei na ka liang jong u President pat um shym la treh ban shim ia kata ka pisa katkum ba la pynmih khubor mynta ka sngi ba dei lyngba jong u ryngkhlem ki mih kine ki ei ki ei baroh, ba dei ma u hi pleng ba pan pisa na u MB Rymbai bad ba iakut dor ruh namar ki dei kiba iajuh iajan bha bad ki iadei kur ruh, bad kane hi ka pynshisha ba ki la ia sylla lypa bad wad lad kumno ban ioh pynngat ia u Prersident ka JYF ha ki kam bymman khnang ba un jah burom.
Kaba phylla ka long mynta ba kumno u Esterwis Ryngkhlem u pharep dawa pisa ia u President ka JYF samla Poipynhun Majaw shiphang 5 lak shiphang 10 lak bad mynta pat 6 lak, bad kane ka pynshisha ba kane ka jingpharep kulmar ka lah long lypa kaba bakla shibun eh, kum kine ki jing kynnoh ngim lah ban pdiang da lei lei ruh namar ka dei tang ka jingpynjah burom jong u Madonbai Rymbai bad u Esterwis Ryngkhlem pyrshah ia u President.
Shuh shuh lada dei shisha ba u President ka Seng u dawa pisa jubor, balei ba dang ia pan dor kumba ka mih ha ki lad pathai khubor? Ha ka jingsngewthuh jongngi kum ki nongialam Sengbhalang ka jingdawa pisa kam dei ban don da ka dor (Amount Limit) namar lada dawa jubor wat tang shi tyngka ruh ka long kaba Beain. Shubuh lada u President u pdiang ia kata ka 6 lak tyngka hato kam dei shuh ka jingdawa jubor?.
Kumta ngi kyntu ia ki paitbah jong ka Ri lum Khasi bad Jaintia ba kin ia mih shakhmat ban pyrshah ia kane ka jing kynnoh khlem nongrim u MB Rymbai Ex-CEM bad u Esterwis Ryngkhlem ia u nongialam ka JYF, bad khamtam kito kiba la shah pyndonkam bakla ka kyrteng jong ki ha u MB Rymbai ha kaba ia dei bad ka JHADC Scheme pynkut u kyrwoh na ka Seng, kane ka long katkum ka kyrwoh kaba la phah da u Bah Ialam G Syngkrem general secretary jong ka JYF War Jaintia Region.(SP News)
