Shillong, Jymmang 18: Ka jingpynrung kyrteng ia ki paidbah nong shong shnong jong ka jylla Meghalaya na ka bynta ka skhim Meghalaya Health Insurance Scheme (MHIS) yn 
pynsangeh shuwa shipor ha ka 30 tarik jong u bnai Jylliew la ong u bah Lari Rymbai u ba dei peit ia kane ka jingpynrung kyrteng.
Haba kren ha u SP News Agency la ong ba katkum ki kyndon kiba don yn nym lah ban pynrung kyrteng na ka bynta kane ka skhim baroh shisnem lynter ka hap ban don ka por ban buh teng katto katne bnai namar ki but ia ka skhim RSBY jong ka sorkar pdeng.
Ka jingpynsangeh ban pynrung kyrteng shipor ka long ba ki briew kiba ioh ia kane ka skhim ki dei ban ioh ka jingmyntoi la kumno kumno 9 bnai namar ki la sdang slem ha kaba pynrung kyrteng.
Kane ka Card ka trei kam tang na ka bynta shisnem bad ha dien shisnem. Ha dien shisnem kihap ban pynthymmai biang ia ki card. Kane ka Card kaba ki sam mynta kan kut ha u bnai Lber dei na kane ka daw ba ki hap ban sangeh shuwa shipor kata ha ka 30 tarik u bnai Jylliew.
Kumba ka long mynta ki la lah ban pynrung kyrteng ia ki briew ha kane ka skhim tang kumba 30% ka daw ka long ba ha kaba sdang ki nongtrei kim pat da nang bha ha kaba pynrung kyrteng bad mynta ki la kham sted bad ka don ka jingkyrmen ba haduh ka 30 tarik jong u Jylliew ki lah ban kot sha ka 85%.
Haba ia dei bad ka jingiateh kular hapdeng kane ka MHIS bad ki hospital kiba don ha kane ka jylla kiba khlem pat ia soi ia ka jingiateh kular mynta ki long saw tylli, ka Super Care, Woodland, Bethany bad ka Children Hospital na ka liang jong ka ophis ka dang iakren bad ki la ong u Bah Lari Rymbai.(SP News)
