Shillong, Jymmang 04: Ka tand shipai iada khappud, Border Security Force (BSF) kala pynlong ia ka jingai jinghikai kaba kyrpang ia ki samla na khappud bad ka Bangladesh ban ailad kyrpang ia ki ba kumno kin ioh ban rung ha ka kam BSF.
Ia kane ka jinghikai la sdang naduh ka 22 tarik jong u bnai Iaiong bad kan kut haka 21 tarik mynta u bnai. Kane ka jinghikai ka long ban pyntbit ia ki samla kumno ban iakhun ia ka examin bad ha ka liang jong ka met ka phad.
Ki jaka kiba la pynlong ia kane ka jingai jinghikai kaba kyrpang ki long ha, Mahenderganj(South West Garo Hills district),Dalu ( West Garo Hills district),Baghmara(South Garo Hills district),Mahadev (South Garo Hills district),Gumaghat (South West Khasi Hills district),Dawki (East Khasi Hills district)
Umkiang(East Jaintiya Hills district). Ki shipai BSF ha kane ka por ai jinghikai nalor ba ki ai jinghikai ei ki air uh sa ka bam.
Ka jingkhot na ka bynta ban ioh rung pat ha kane ka kam shipai BSF kan sdang naduh ka 27 tarik mynta u bnai bad kan kut haduh ka 19 tarik jong u bnai Jylliew mynta u snem. Na ka bynta kane ka jylla Meghalaya yn pynlong ha ki lai tylli ki jaka. Bad kita ki jaka ki long kawei ha BSF Camp, Sector HQ, Mowpat, Shillong, East Khasi Hills district, Sa kawei pat ha BSF Camp, Sector HQ, Khliehriat, East Jaintia Hills district bad kawei ha BSF Camp, Sector HQ, Tura, Dobasipara, West Garo Hills district.
Ka tei ka jinghikai kaba kyrpang ka long ban ia ailad ia ki samla kane ka jylla Meghalaya na ki thain border ba kin dup lah ban ia khun bad kiwei pat ki jaidbynriew na kiwei ki bynta jong ka Ri India.(SP News)
