Nongpoh, Jymmang 19: Ka shnong Umktieh Nongshiliang, kaba hap hapoh ka Khapamara PIC, Umiam PS, Ri-Bhoi district, ka la pynlong ia ka Dorbar
Shnong ban jied nongkitkam thymmai.
Ha katei ka Dorbar Shnong, ki paidbah nongwan sha katei ka dorbar da kawei ka jingmut ki la jied noh ia ki nongkitkam thymmai jong ka shnong, ki ban iakit iabah ia ka lyngkor na ka bynta ban shakri ia ka bha ka miat bad ia ka imlang sahlang kaba bha ha ka shnong.
Kumta, ki nongshong shnong ki la ioh thymmai ia ki nongkitkam kumba ki la jied, kata ki la jied Rangbah Shnong ia u Bah Golden Laloo, Asst Rangbah Shnong, Bah Deny Nongbsap, General Secretary, Bah Deius Jyrwa, Asst General Secretary, Bah Primus Wahlang bad Finance Secretary, Bah Telling Suting.
La jied ruh sa 7 ngut ki dkhot ka Executive Committee ka shnong, la pyntip u Bah Primus Wahlang, Asst General Secretary katei ka shnong.
Ha kawei ka liang, ka shnong ka kyrpad ia ki briew ba nabar kiba wan donkam na ka bynta ki kam shnong bad kumjuh ruh ia ki bor sorkar ka district, ba kin wan ban kynduh ne pyntip sha kitei ki nongkitkam thmmai ka shnong naduh kane ka sngi.(SP News)
