Shillong, Jymmang 11: Ka jingwan kynsan u eriong sha ki thain Lawbah kala wanrah ia ka jingjulor bun phew tylli ki iing ki snem bad kane kala wanrah shibun ka jingduh na ka bynta kito ki briew ka tei ka thain.
Ka thain Lawbah ka don sha rum na ka block Mawsynram ka jingjungai ka long tang kumba 12 KM. Katkum ka jingiathuh na ka liang jong ki briew na katei ka thian ka long ba bun eh ki iing kiba la shah ktah ha kane ka jingwan kane ka eriong ka dei ka shnong Lawbah.
Kiwei kiba mar khap bad kum ka Mawlongbna, Umtyllum, Janiaw bad Synnei ruh kila mad ia kane ka jingshah lynshop ha ka mariang. Ha kane ka jingjia haduh ba thoh ia kane ka khubor ym shym la ioh jingtip ban don ba mynsaw.
Haba ia dei bad kane ka jingjia ba sngewsih na kane ka jingshah lynshop ha ka mariang na ka liang jong ki bor sorkar ba dei peit ia ka East Khasi Hills District kila bthah ia u BDO jong ka Mawsynram C&RD ba kin leit ban jurip ha kaba ia dei bad kane ka jingjia ba sngewsih.(SP News)
