Shillong, Nailur 25: Ka Meghalaya Peoples Human Rights Council (MPHRC) ka pynpaw ia ka jingsngewkhia kaba jur halor kine ki jingjia ha kine ki sngi bad khamtam eh ha kaba ia dei badf ka jingwantuid jong ki briew kiba nabar sha kane ka jylla ia kaba ka sorkar kam shym la leh ei ei mynta la bun snem.
Ka jingwan tuid jong ki briew kiba na bar ka la ktah ia ka jinglong shimet bad kum ka kynhun ha ki jaid bynriew rit paid bad kane ka jingiadawa ka la sdang naduh ki snem 1970. kane ka dei ka jingbakjkla ha katei ka por ia kaba ymj shym la pynbeit haduh kine ki sngi. Kumba ka long mynta ka sorkar kam shym don kano kano jingshim khia ia kane ka bynta.
Lah ban kdew hangne ba ki trai shnong ki la shah kniot ha kiba bun ki liang ha kaba ki la jan duh ia ka jinglong trai ka jong ki, ka sorkar ka dei ban peit ia ki bynta kiba don kam ban pyntrei ban ia da ia ki trai jylla ba kin lah ban pynneh pynsah ia la ka jong ki riti ki dustur bad ka ia jinglong tynrai ka jong ki.
Haba ia dei bad kane ka jingiakhih kaba mynta na ka liang jong ka MPHRC ka sngew ba kane ka dei ka kamram jong ka sorkar ban wad ki lad ki lynti kumno ban wanrah ia ka jingshong suk ha ka jylla lada ka long ha kane ka rukom kan wanrah ia shibun ka jingpynkhien ia ka hoh long briew man briew.(SP News)
