Guwahati, Nov 19: U Nong lam ktien jong ka seng BJP ha ka central body u Tarun Vijay, haba kren ha ki nongthoh khubor mynta ka sngi ha Guwahati u la ong ba ka nongbah Guwahati bad ka sor Shillong ki lah ban long ki jaka pdeng jong ka pule puhti lada pyndon kam ha ka rukom kaba dei.
Kine ki jingpule ka lah ban long la ka long ha ka liang jong ka Science lane ha ka liang jong ka Technology na ka bynta kane ka dewbah jong ka East Asia and South East Asia. U la ong ba ia kine kijinghikai ym pat pyndon kam ha ka rukom kaba kham shalor.
Lada ka sorkar ka shim khia ha kane ka bynta kan nym don ki khynnah ki ban mih na kane kathian ban leit pule sha bar jong kane ka dong shatei lam mih ngi jong ka Ri India, dei na ka daw ba kin don ia ki lad ki lynti ba ki samla kane ka thain ki sa leit sha kiwei ki bynta jong ka Ri India ha ki jingpule ki bapher bapher.
Ha kawei pat ka liang ki briew na kiwei ki ri jong kane ka dewbah Asia ki lah ban wan sha kane ka thain bad ki lah ban wan pule lada ki biang ki jaka ai jinghikai. U la ong ba ka dong shatei lam mih ngi jong ka Ri India ka dei ban don ia ka stadium kaba ia ryngkat bad ka jingalehkai Olympic namar kane ka dong bad ka thain ki don bun ki samla kiba don ia ka sap ka phong ka jong ki.(SP News)
