New Delhi Nailar 05: U myntri ka sorkar pdeng ba dei peit ia ka tnad shna surok u Oscar Fernandes, u la pynlong ia ka jingialang ban peit ia ka rukom trei kam ha kaba ia dei bad ka jingshna ia ki surok ha ka dong shatei lam mih ngi jong ka Ri India ha ka sngi ublei.
Ha kane ka jingialang la don lang u myntri ka sorkar pdeng ba dei peit ia ka DONER u Paban Singh Ghatowar, u myntri khynnah ba dei peit ia ki kam shna surok, ki myntri rangbah kane ka thian bad ki myntri ba dei peit ia ka tnad shna surok.
Ha kane ka jingiakynduh lang haba phai sha kane jylla Meghalaya, u myntri ka sorkar pdeng u la ong ba ia ka NH.127 B kaban pyniasoh ia ka jylla West Bengal sha Meghalaya ban rung sha Phulbari lyngba ka Dhubri la dep ban pynbna da ka sorkar bad kaba kongsan mynta ka long ban shna ia ka jingkieng lyngba ka wah Bramaputra.
Haba ia dei bad ka jingkieng dawki na ka liang jong u myntri u la ong ba kane ka jingkieng ka long kaba don kam haduh katta katta na ka bynta ka jylla Meghalaya bad ka sorkar pdeng kan sa shim noh shen ia ka rai halor kane ka jingkieng ban pyniasoh ia ka jylla Meghalaya bad ka Bangladesh.
Na ka liang jong ka sorkar pdeng ka la dep ban ai ia ka sanction na ka bynta ban shna ia ka Jowai By Pass bad na ka bynta ka surok na Shillong. Sha Tura lyngba ka Nongstoin ka sorkar kan dang pynheh shuh ia ka sorkar ban pyndep ia kane ka surok. Ong ka khubor jong ka PIB.(SP News)
