Shillong, Naitung 26: Ka sorkar Meghalaya kan pyntrei kam noh ia ka National food security programe naduh ka 5 tarik jong u Nailar mynta u snem.
Ia kane ka rai la shim ia ka jingialang jong ka cabinet kaba la long mynta ka sngi, U myntri rangbah ka jylla u Dr Mukul Sangma u la ong ba ka tnad sam ia ki marbam mardih kan sa pynkhreh ia ki jingdon kam baroh ban pyntrei kam ia katei ka skhim.
Ka bynta kaba nyngkong jong kane ka kam ka long ban jied ia ki long iing ban pynioh ia u khaw u ba san kilo na ka bynta lai tyngka. Ki ban ioh ia ka jingmyntoi na u ne u khaw ha kane ka jylla kin long haduh 76.7 % na ki nongshong shnong.
Na kine 63% kan long na ka bynta ki long iing sha ki nongkyndong bad ki long iing kiba don ia ka Card BPL kin hap hapoh jong kane ka skhim. Ban lap pat ia ka jingtrei kam jong ki briew la ai por ia ka tnad sorkar ba kan pynkhreh ia ka hapoh ka 60 sngi.
Ha dien ba la dep ban pynkhreh ia kane ka bynta ym sam ia ki ration kard sha ki long iing hapoh ar bnai. Ka tand sam marbam ka hap ban peit ia ka jinglah jong ka bad ia ki jaka buh ia u khaw ban buh na ka bynta lai bnai.(SP News)
