Shillong, Naitung 30: U Superintend ki pulit jong ka East Khasi Hills u bah M Kharkrang u la ong ba ha dien ba kila ioh ia ka jingtip ba ki don ki lehnoh na Garo Hills kiba la pyrshang ban wan rieh sha Shillong ban lait na ka jingshah khynra ha ki pulit ha Garo Hills.
Ki pulit kila pynlong ia ka jingap ktem ha Mawiong, ki pulit kila bat ia ki kali Night Super kiba wan na Garo Hills ha kane ka jingtalasi kila ioh bat ia ki ar ngut ki briew u Sengseng M. Sangma u ba dei na Rari, North Garo Hills bad u James R. Marak u ba dei na Williamnagar, East Garo Hills.
Ha ka por ba ki pulit ki la pynlong ia ka jingthoh kit kila phla ba ki dei ki dkhot jong ka seng kaba dang shuthaw thymmai ia kaba la tip kum ka ‘Achik National Cooperative Army’ bad kine ki kam ba kila don kti ha kaba siat iap ia u briew jong ka company BNC u Avijeet Mazumdar ha Garo Hills ha kine ki khyndait sngi kiba la leit.(SP News)