Tura, Nohprah 10: Ka kynhun pulit jong ka East bad South Garo Hills mynta ka sngi ki la ia treilang ban leit khyndang ia ka jaka sah jong ki lehnoh na ka seng GNLA ha u lum Durama kaba don ha jan jong ka shnong Adugre.
Kine ki pulit jong ki ar tylli ki District ki la ia treilang bad khyndang ia kane ka jaka ha ka por 1.30 noh phai sngi. Kane ka jingshah kyndang kane ka jaka rieh jong ki dkhot jong ka GNLA ka la long ka jingduh kaba lhraw ia kane ka seng namar kane ka dei ka sien kaba ar ba ki pulit kila ioh ban pynpra ia ki jaka rih kiba heh kum kane ka ktem.
Na ka liang jong ki pulit kila ong ba na ka daw jong ka jingeh ka jaka bad ka jinglong khlaw haduh mynta kim pat ioh ia ka jingtip kaba bniah ia kaei kaba lajia ha kane ka jingleit khyndang, hynrei la ong ba la ioh bun ki kot ki sla kiba ia dei bad ka jingtreikam jong kane ka seng lehnoh.(SP News)
