Shillong, Feb 18: Ki nongniah ia ki kali kiba iaid kit dewiong ha ka surok bah NH-62 bad 37 ki dawa na ka sorkar Meghalaya bad na ka sorkar Assam ba ki dei ban weng ia baroh ki khyrdop khrong khajana beain kiba la bun palat ha kitei ki surok.
Na ka liang jong ki nongniah trok kila khot ia ka jingsangeh iaid kaba khlem buh porn a kitei ki ar tylli ki surok bah. Kane ka jingsangeh iaid na kitei ki surok la khot da ka seng Goalpara District Truck Owners’ Association (GDTOA).
Kane ka seng ka la byrngem ruh ban sangeh shisyndon ka jingkit ia ki kumphniang kum ka diesel, petrol, kerosene bad gas cylinder naduh ka 24 tarik mynta u bnai lada kine ki ar tylli ki sorkar jylla kim lah ban ai ia ka jingdawa ka jong ki. Ka daw ka long ba la bun palat ki khydop beain.
Na ka liang jong ka tei ka seng ka la dep ai da ka jingthoh sha ka ki Deputy Commissioner jong kine ki ar tylli ki jylla kiba dei peit ia kitei ki ar tylli ki surok hynrei kam shym don kano kano ka jingshim khia na ka liang jong ki kumta kim banse ban khot ia kane ka jingsangeh iaid ki kali na kine ki ar tylli ki surok bah.
Na ka liang jong kane ka seng ka dawa ba dei ban phah tohkit ha ka CBI ban lap ia ki jingshisha baroh namar ba ka jingkhrong pisa ha kine ki ar tylli ki surok bah ka long kaba la palat na ka jingdon jong ki khyrdop beain.(SP News)
