Jowai, Risaw 23: Mynta ka sngi ha ka por nohphai sngi kawei ka bus kit briew kaba don ia u number AS01-AC-0154 kaba mih na Guwahahti ban leit sha Dharamnagar ynda ka poi ha ka shnong Kongong ha East Jiantia Hills ka la kylla sha rait bad ha kane ka jingjia lai ngut ki nongshong kali ki la khlad ha shen.
Ha kane ka jingjia, saw ngut kiwei ki la mynsawjur bad kiwei ki la mynsaw malumala, U Superintedent jong ki pulit jong ka East Jiantia Hills haba kren ha u SP News Agency u la iathuh ba kane ka bus ka dei kaba mih na Guwahahti bad kan leit sha Dharamnagar hynrei ynda poi ha katei ka jaka ka la wan noh kane ka jingjia ba sngewsih.
Na ka liang jong ki pulit ki la ialeh katba lah ban iarap ban rah ia ki ba mynsaw sha ki jaka ai jingsumar na ka liang jong ki pulit ki dang wad ia ka daw la ka dei ba ka don ka jingthud ha ka kali ne ka dei na ka jingpynher sted jong u nongniah
Kiwei pat ki tyllong khubor ki iathuh ba kine kiba iap lai ngut la tip kyrteng kum u Mahesh Deori 25 snem na Assam, Dumar Karki na Nepal Muhamad Rehaman 25 snem na sutnga. Saw ngut kiba mynsaw jur la kit sha NEIGHRIMS, 17 ngut kiwei pat la sumar ha Jowai Civil Hospital.(SP News)
