Shillong, Jymmang 06 : Ka wei na ki jait jingpang mynta ka la sdang kynrei bad ka ta ka dei ak jingpang swai ne Tuberculosis kane ka jingpang ka la pur ha kylleng ki bynta jong ka thaiñ bad ka jylla baroh kawei, ka shnong Mawjrong ryngkat ka jingiatrei lang bad ka Swer PHC, ha ka sngi Nyngkong ka la pynlong da ka prokram ai jinghikai kyrpang ia ki kmie ki kpa halor katei ka jingpang bad ruh halor ka koit ka khiah jong ki kmie ki kpa ha ka por armet, ka la pynlong ruh ia ka rice socio an development Guild .
Ka Rice Socio & Development Guild kadei ka kynhun ki samla pule barim ka St. Peter’s Secondary School, Mawjrong kiba pyrshang ban buddien ia ka matti ba la buh da ki Christian Brothers ha katei ka thaiñ khyndiat snem mynshwa. Ki doctor kiba la ia don ha akne ka sngi ki kynthup ia u Dr. Kyndiah na Swer PHC bad ruh ia u Dr. Syiemlieh na Sohbar
Ha kane ka por u U Dr. Kyndiah haba u ai kren halor ka jingkhlainbor ka jingpang TB bad ki lad jingiada ban koit na katei ka jingpang u la ong ba tang ha katei ka thaiñ ki don ym duna ia ka 15ngut man la u bnai kiba wan dih dawai TB. “Wat mangi ruh ngi khuslai namar kane ka jingpang kam neh tang ha uwei hynrei ka saphriang sha kiwei pat”
U la ong ruh ba don kiba ioh ia katei ka jingpang ki shah ktah ha ka bor jabieng, khyllai, ne ki snier, u Dr. Kyndiah u kyntu ruh ba ki nongpang ki dei ban long kiba husiar lada ki shem ba u jyrhoh u neh palat ia ka artaiew ne ki shem ba ka jingkhia ka duna bad khie shitmet por ki thiah mynmiet. “Kane ka jingpang ka lah wat ban shim ia ka jingim ruh lada phim shimkhia ban sumar ha ka por kaba biang.
Na ka liang ki Health Educator na katei ka hospital kata kynthup ia i Kong P Dkhar bad Kong P Diengan ki la kyntu jur ia ki kmie ki kpa ba ki donkam ban sumar khambha ialade khnang ba kin lah ban ai ka jingshakri kaba kham paka ia ki khun ki k
“Bunsien ki longkmie ki bunkam ban sumar ia ki khun bad peit ia ka iing ka sem hynrei ki klet noh pat ialade. Ka la kyntu ruh ia ki longkmie ba ki dei ban kiar na kaba kha ha iing hynrei ba ki dei ban leit mardor sha ki jaka ai jingsumar khnang ba i kmie bad i khun in ioh ia ka jingsumar kaba paka tam eh mar ia kha.
Ka Kong Diengan ka la ong , “Lada ki kmie kpa kim sngewthuh ia ka jingkordor ka koit khiah kam don jingmyntoi ia ngi ban batai shaphang ki lad jingiada,”
Tang ki injek ne dawai kim biang satia lada ki kmie ki kpa pat kim pynbiang ia ka bam ka dih na ka bynta ki khun bad ka iing ka sem la ong bian gka kong Dieng ngan. “Ka Immunization kamut ban iada na ki jingpang kynthup naduh ia i khyllung ba don ha kpoh ka kmie,” labynrap ka Kong Diengan. (SP News)
