Shillong, Nohprah 29: Ka balang katholik mynta ka sngi kala ioh sa u wei u sohb
lei da ka jingpynkyntang lyngdoh ia u Dikon Kyrshanlang Kharpuri ha Mawnianglah mynta ka sngi da u Sohblei Dominic Jala SDB DD.
U Bah phadar Kyrshanlang u dei na ka seng trai ri bad u long u khun jong ka kong Florence Kharpuri bad u Bah Nicholas Nongkhlaw bad u dei u khun u ba saw napdeng ki khyndai ngut ki shipara.
Ha u snem 2001 u la leit ia ka vocation camp bad u la shim ia ka rai ban leit pule hapoh St Xavier Minor Seminary bad pyndep ia ka matrik bad na ka bynta ka klass XI bad XII u la leit sha Chabua ha Assam bad ia ka philosophy la pyndep na Christ King College bad ia ka Regency la pyndep hapoh Umkandhor Parish.
Ia ka Theology la pyndep napoh Orient Theological College ha Shillong haduh ban da poi ha kane ka kyrdan jinglong lyngdoh kaba la pynkyntang ia u mynta ka sngi hapdeng ka jingiadon lang u paid khristan da ki phew hajar ngut.
U Arch Bishop jong ka jylla niam Shillong Arch Diocese u la pynbna paidbah mynta ka sngi ba ka jaka kaba yn leit ban trei nyngkong kum u Assistant Parish Priest kan long ha Umsohlait Parish ha Ri Bhoi District bad kane kan sdang naduh u bnai Rymphang jong u snem 2014.
Ha kane ka sngi la don da ki phew ngut ki lyngdoh ban ia skahi lang ia kane ka sngi kaba khraw ha kaba ka balang kala lah ban ioh sa u wei u lyngdoh sohblei ban trei ha kane ka lyngkha ka jongu trai.(SP News)
