Shillong, Nailar 16: Ki paidbah nongshong shnong jong ka sor Guwahati ki la rakhe ia ka jing
leh kmen Independence Day da ka rukom kaba khampher ha kane ka kynti kaba mynta ha kaba ki Club bapher bapher ki la pynlong da ka jingialehkai kynjat boll.
Ia kane ka jingialehkai kynjat boll la plie da u Dhruva Hazarika, Director ka tnad Sports bad youth affairs jong ka sorkar Assam. Kaba la khring ia ki paidbah ha kane ka sngi ka long kiba la ia shim bynta ha kane ka jingialehkai ki don kiba la palat ia ka 60 snem ka rta.
Kiba la ia shim bynta ha kane ka jingialehkai kynjat boll ki long ki nongdie dukan, ki nongniah rekshaw, ki nongdie jhur bad baroh kiba trei bylla. Kine kiba la ia shim bynta kim shym la syier wat la ki lehnoh ki la khot ia ka pakhang shnong.
“ ka long kaba bha ban ialehkai la ong u Chandra Boro ha kaba ka kynhun ialehkai ka jong ka la wan naduh Nalbari District kiba dei na ka shnong Sonaighuli”. U Suren u ba die doh u la ong ba ka bha ban ia lehkai, u Jadu Gogoi u ba la 63 snem u ong ba kane ka jingialeh ka the song ia baroh ki briew.
Ia kiba jopha kane ka jingialehkai la ai khusnam da ka pisa naduh ka T.50000 tyngka haduh T.3000 tyngka lada kiba la ioh da ki Banglang bad ki sniang ruh. Kane ka jingialehkai ka long ruh kum ka jingburom ia kito ki nongialeh lait luid kiba dei na kane ka thain.(SP News)
