Shillong, Kyllalyngkot 17: Ka Shillong Lajong FC la shai ka sngi kan ialehkai bad ka team kaba la iaw bha kaba la don ka jingtbit kaba kyrpang ka Mohun Bagan ha ka Federation Cup encounter ha J.N.Stadium, ha Cochin ha ka por 4:00PM IST bad ia kane yn pyni ha ka Ten Sport.
Kane kan long ka sien kaba ar ba ka Shillong la jong kan ialehkai ha ka Federation Cup, ha ka jingialehkai kaba nyngkong ka la jop da saw kol pyrshah ia ka Solgaocar.
Na kine ki kynhun dei tang ka Shillong Lajong kaba la ioh lai point bad ha kane ka jingiakhun ka long kaba kongsan ban ioh lai point khang ban pynthikna ba kin ioh ban rung sha ka second round.
Ki nongialehkai jong ka Shillong Lajong ki long kiba la khreh ban ia khun pyrshah ia kane ka team kaba khlain ha India. Kumba ka long katei ka team na Kolkatta ka don ia ki nongialehkai kiba na bar ri bad kum juh kiba na India hynrei na ka liang jong ka Shillong Lajong ruh ka don ia kum kine ki nongialehkai bad kumba ka long mynta ka Shillong Lajong ka dei ka team kaba khlian ha kane ka Federation Cup.(SP News)
