Shillong, Rymphang 23: Ki paidbah na Ri Lum Jaintia bad Khasi kin jied la shai ka sngi ia ki 58 ngut ki nongmih khmat jong ki sha ki ar tylli ki District Council, KHADC bad JHADC. 29 ngut ki MDC sha ka KHADC bad 29 ngut ki MDC sha ka JHADC.
Mynta ka miet baroh ki polling officer kila dep poi sha ki jaka ba la buh ba kin long kum ki jaka thep vote bad na ka liang jong ki bor ba dei peit ia ki District Administration ki la dep ban pynbiang ia ki bor pahara ban peit ba ka election sha kine ki ar tylli ki District Council kin long kiba iaid beit.
Ki paidbah ha ri lum Jaintia ki don lai duna ba kin jied ia ki 29 ngut ki MDC bad ka jingdon jong ki paidbah nongthep vote ha Jaintia Hills, ka constituency kaba duna eh ka don 5000 duna ki briew bad kaba bun tam ka long 11000 ngut.
Katba ha KHADC ka jingdon jong ki nongthep vote ki la wan kum ha ka MLA namar ka jingdon ki nongthep vote ki long hadpeng ka 23000 ngut haduh 31000 ngut. La shai ka sngi ki paidbah kiba la ioh ia la lad ban thep vote kiba don kum 6 lak tam ha ki lum khasi kin jied ia ki nongmih khmat ka jong ki.(SP News)
