Shillong Iaiong 25: Ka sorkar Meghalaya ka la lap ba ki don haduh 400 tylli ki skul ha kane ka jylla Meghalaya kiba don hapdeng ka jingma lada don kano kano ka jingkhih jumai, ia kane la ong da u State Disaster Management Authority (SDMA) Executive Officer, U HB Marak ha ka jingialang kaba la pynlong da ka state level workshop under (NSSP).
U Marak u la ong ba ka jylla Meghalaya ka don ha ka lynti iaid jumai kaba san ha kane ka sla pyrthei, kumta na ka bynta ka jingshngian jong ki khynnah skul ka long kaba don kam bha ban phikir. Na kane ka daw ka sorkar ka hap ban leh ei ei na ka bynta kitei ki 400 tylli ki iing skul.
Ha ka jingleit jurip jong ki U marak u la ong ba ki la bthah ia baroh ki skul ba ki dei ban dn ki jaka rung bad ki jaka mih kiba biang. Naka liang jong ka sorkar kan sa bthah ia kito ki ksul bar oh ba kin leh ia kaba don kam ban shna ia ki jingkhang.
Kane ka jinghikai ka long na ka bynta baroh kito kiba shna ia ki iing ki sem bad na ka bynta ban hikai ia ki briew ba ki dei ban shna iing khlem da don kano kano ka plan kaba biang namar kane ka long kaba don kam ban lait na kino kino ki jingmynsaw.(SP News)
