Shillong, Jymmang 28: Ka long ka jingjia kaba ym pat juh sngewkoit ha kane ka Ri Khasi ba u briew ynleit ban pan jingbit na ka iingbishar ban pyniap ia lade bad ia 3 ngut ki khun la jong, hynrei kane ka la jia ha u Abdul Rahim namar ba la ban palat ka jingjynjar ha ka iing im jong u kum u kpa.
Haba kren ha ki nongthoh khubor mynta ka sngi ha Shillong press club u la ong ba, ka daw baroh kaba la pynlong ia u ban shim ia kane ka rai ka long b alai ngut ki khun jong u ki don ha pdeng ka jingpang bampong ha ka snam.
Kum u kpa, u la ong “ Nga la die ia ka karkhana suh juti, ka dukan ha iewduh, ki jaka puta kiba donha Nawgong ha Assam ban sumar ia ki khun, hynrei ym shym al lah ban ban pynkoit ia ki mynta ngam donlat shuh sa tang ka jingiap, ia nga bad ia ki khun jong ban pynlait na kane ka jingeh”.
U Abdul u dei na Jhalupara, Shillong bad ka kurimjong u ka dei na Nawgong Assam, na pdeng san ngut ki khun jong ki lai ngut ki la ioh ia kane ka juh ka jingpang. U Sudik Ahamed ba la dap mynta 16 snem u la ioh ia kane ka jingpang naduh ba u dang dap shisnem.
U wei pat u khun u ba la dap mynta 14 snem u Suhil Ahamed u la ioh ia kane ka jingpang ha ka por ba u dang dap saw snem bad u bar it duh u ba la dap mynta 9 snem u la ioh ia kane ka jingpang ha ka por ba u dang dap hynniew snem.
Kum u kpa u leh leh la ka buit kabor hynrei ym lah ban ai jingkoit ia ki khunha kaba u la pyrshang ban wad ki lad kilynti ban ai jingsumar ia ki hapoh jong ka Guwahahti Medical College bad kiwei ki jaka sumar. U la ong ban sumar ia u wei u khun haka shibnai ka jinglut ka long T.45,000/- tyngka lait ngut ka la poi sha ka shilak shiteng u la ong.
Mynta “ Ngan don ei ei shuh ban sunar ia ki kumta mynta la shitaiew ki la shim ia kane ka rai kum u kpa bad ki khun kiba pang baroh lai ngut sa tang ka jingiap kaba lah ban pynkut ia kane ka jing jynjar jong ngi” la ong u Abdul ha ryngkat ka jingjaw ummat.(SP News)
