Shillong, Jylliew 6: Ka iing ka sem jong u Bah Selukos Shadap na ka shnong Mawrong kaba don ha Ri Bhoi District kaba la shah tait shnong halor ka jingshah kynnoh menshoh noh, la ong ba ki long kiba la kloi ban ia suk bad ka shnong dei na kane ka daw ba haduh mynta kim shym la ai kano kano ka jingujor pyrshah iano iano ruh.
U Bah Selukos Shadap u la ong ba kum ka iing ka sem mynta ki dang don ha ka jingshah iong ha kaba ia dei bad kane ka jingshah tait shnong ha kaba ki khlem leh ei ei kaba long pyrshah ia ka shnong .
La pynkynmaw biang ba dei ha ka 12 tarik jong u bnai Iaiong mynta u snem ba ki la shah tait shnong, wat la katta ki kloi ban ia suk lada ka shnong ka pdiang kumba ki la tyrwa wat la kim shym la leh ei ei, La ong “ Ngim kwah ban ia leh pyrshah ia ka shnong”. La ong u bah Shadap.
Kane ka jingkwah ia suk ka jong ki kam shym la urlong bad ka dorbar shnong, dei na kane ka daw ba ki sa pan ia ka jingiarap jong ki seng trei mon sngewbha. Mynta na ka liang jong ka iing ka sem ka jong u ki kwah ba ki bor sorkar ki dei ban leh ei ei halor jong kane ban ai jingiada ia ka iing ka sem jong ki.(SP News)
