Shillong, Jylliew 08: Ka Central Ground Water Board jong ka sorkar pdeng kala jurip bniah ia ka jinglong jingman jong ki tyllong ha Jaintia Hills bad ka lap ba ka daw baroh kadei na ka jingbuh pathar ia u Deiong u ba la ai ka spah ka phew ia ki briew ha katei ka thian.
Katkum ka jinglap jong kane ka CGWB jong ka sorkar pdeng ka um ha katei ka thain ka la jaboh bad ka long kaba eh ban ioh ia ka umbam umdih ha ki snem kiban dang wan lada ym lah ban ia da ia ki mynta.
Lada ka Um ka jaboh na kiwei kiwei kid aw dang lah ban pykhuid ia ka katkum ka juk stad kaba mynta hynrei haba ka um ka jaboh na ka daw jong ka asit kaba mih na u Dewiong ka long kaba eh ban pynkhuid.
Ka jingtih dewiong ka la pynkiew iaka spah ka phew ha ki briew jong katei ka jaka bad ka la wanrah ia ka jingai kam ai jam ia ki briew hynrei kaba kongsan ka long ba ki briew ki dei ban ioh ia ka umbam umdih kaba khuid.
Na ka liang jong ka CGWB ka la ai jingmud sha ka sorkar jylla ba ka dei ban buh ia ka shnat trei kam hapoh ka ka Public health Engineering ia ka Ground Water Cell ban peit ba ia kine kim um kiba don hapoh khyndew kan nym ktah da kane ka jingtuid jong ka um asit kaba mih na u Dewiong.(SP News)
