Shillong, Lber 14: Ka myntri ba dei peit ia ka tnad kam poh iing jong ka jylla Meghalaya ka la ong ba ka sorkar kala dep phah tohkit ha kaba ia dei bad ka jingshah khangkdong jong u MLA ka Rongara-Siju u Rophul S Marak bad ka jingshah byrngem jong u Bah Ngaitlang Dhar MLA ka Unroi.
Haba kren ha u SP News Agency na ka liang jong ka myntri kala ong ba ka sorkar ka shim khia bha ia kine ki jingjia. Kumba ka long mynta la dep ban ai ia ka jingujor sha ki pulit ba tohkit ia kineki ar tylli ki jingjia ia kine ki MLA.
Haba jubab ia ki jingkylli na ka liang jong ka myntri ka la ong ba ka sorkar kan sa bishar bniah ha kaba ia dei bad ka jingai jingiada ia ki MLA, kumba ka long mynta ki pulit PSO ki don bad ki MLA, lada dang don kam ka sorkar kan sa peit biang.(SP News)
