Shillong, Lber 25: U Nongbishar ba ha khliehduh jong ka Ri India u Altamas Kabir mynta ka sngi u la plié ia ka High Court jong ka jylla Meghalaya da kane jingplie ia kane ka high court ka la pynurlong ia kaei kaba ki paidbah jong kane ka jylla ki la angnnud la slem bah.
Ha kajingkren jong une u nongbishar ba ha khlieh duh jong ka Ri India u la ong ba da kane ka jingplie ia kane ka High Court ka la pynurlong ia kaei kaba la thoh ha ka riti synshar jong ka Ri India ba ki jylla ki dei ban don la ka jong ka High Court.
Kumba ka long mynta ki paidbah jong ka dong shatei lam mih ngi jong ka Ri India ki don la ki jong ki riti ki dustur ha kaba don kam ban buh ryntih ia ki, la ong u nongbihsar ka Ri India.
Haka jingkren jong u myntri rangbah ka jylla u Dr Mukul Sangma u la ong ba ha ka synshar paidbah don kam ia ka jingbihsar kaba long kaba kongsan bad da ka jingkloi ban ai ia ka jingbisahr kaba hok ka pynlong ia ki briew ban burom ia ka ain.(SP News)
