Mawsynram, Naitung 19: U Deputy Chief minister jong ka jylla Meghalaya u Dr RC Laloo u ba deipeit ia ka tnad sam umbam umdih ha ka jylla mynta ka sngi u la plie ia ka iing ophis jong ka Sub Divisional Office ha Mawsynram ha ka jingiadon lang jong u Bah C Ymbon parliamentary secretary jong ka sorkar jylla ha ryngkat ka jingiadon lang u MLA jong ka thain u Bah P N Syiem u ba dei ruh u CEM jong ka KHADC.
Na ka liang jong u myntri u la ong ba ka jingdon jong kane ka ophis kan iarap na ka bynta ki paidbah kane ka thain baroh kawei ha ka liang ban pynbiang ia umbam umdih sha ki paidbah. Kane ka ophis kan peit ia ki jaka kiba hap hapoh ka Mawsynram bad ka Mawphlang Block.
Ha kajingkren jongu Bah Ally u la ong ba ia kane ka iing la tei ha ka jinglut kaba T.79.17 lak tyngka bad kane ka ophis kan peit iaki 158 tylli ki shnong sawdong jong ka. Na kine 187 tylli ki shnong bad ki dong ki hap hapoh jong ka Mawsynram bad 32 tylli ki shnong bad 32 tylli ki dong ki hap hapoh jong ka Mawphlang Block.
Ia kane ka jingialang plie la pynlong poh hall jong ka skul St, Francis Xavier Hall. Kum ka jingiasakhi lang ia kane ka sngi la don ki riew rangbah na katei ka thain baroh kwei.(SP News)
