Shillong, Nailur 07: ka jingpakhang ophis jong ki seng bhalang mynta ka sngi ka la iaid beit khlem da don kano kano ka jingjia kaba sngewsih ha kane ka jingdawa ka jong ki ba ka sorkar ka dei ban pyntreikam noh ia ka ILP ha kane ka jylla.
Kane ka pakhang ophis kaba mynta ka sngi ka long ba pyrshah ia ka rai jong ka sorkar ban nym pyntrei kam ia ka ILP ha kane ka jylla Meghalaya. Kane ka jingkhot ia kane pakhang ophis ka la ktah ia ka jingtrei kam jong ka sorkar ha kaba ki bank ki la khang bad kiba poi sha jingtrei kiba bun dei tang ki heh sorkar.
Na ka liang jong ki pulit ki la pynjur bha ia ka jingpahra ha kane ka nongbah Shillong ban peit bay n nym don mano mano ban pynthud ia ka leit ka wan jong ki paidbah lane ia ki nongtrei sorkar.
U Principal secretary jong ka tnad kampoh iing ka jylla u K S Kropha haba kren ha u SP News Agency u la ong ba kiba poi trei sha ki ophis ka long 50% ha kane ka nongbah Shillong. Haba ia dei bad ki District headquarters u la ong ba haduh mynta ym pat lah ban ioh ia ka jingkhein kaba thikna.(SP News)
