Shillong, Jylliew 04: Ka sorkar Meghalaya mynta ka sngi ka la pynkup burom ia ki samla kiba la wanrah ia ka nam ka burom ha ki jingialehkai kiba ha rukom ha ka Ri India bad ha ka jylla hi baroh kawei.

Ka jingpynjup burom ia ki samla ialehkai mynta ka sngi la phiah ha ki ar bynta kawei kaba dei na ka bynta kito kiba la ia shimbynta ha ki National Ganes bad kawei iakito kiba la ia shim bynta ha ka state level. Ka jingthmu jong ka sorkar ka long ban pynshlur ia ki samla ha ki kam ia lehkai.

Haba kren kum ka kongsan ha kane ka sngi ka myntri ba dei peit ia ki kam pynroi sorkar ka kong Ampareen Lyngdoh ka la ong ba ka sorkar ka juh iarap na ka por sha ka por ia ki samla kiba la mih sha khmat ha ki kam ia lehkai ka la long ha ka dur jong ka pisa ne ha ka dur jong kitiar ki tar.

Da ka jingdon jong ki ar tylli ki jaka hikai kiba dang shna mynta kawei ha Mawdiangdiang bad ka wei ha NEHU kan iarap shibun ia ki samla ia lehkai ba kin pyntbit shuh shuh ia ki sap ki phong kaba ki don.

Na ka liang jong ka myntri ka la pynshlur ia ki samla ba kin wan sha khmat ban shim ia kane ka kam ialehkai kum kawei na ki lad ban kyntiew ha ki liang baroh. Ka la ong ba ka sorkar kand ang iai bteng ban pynshlur ia ki samla ba kin wan sha khmat ban sei ia ki sap ki phong kaba ki don.(SP News)